નિસ્બત જોઇએ
જિંદગી માં એક મિલકત જોઇએ,
દિલભરી છલછલ મહોબ્બત જોઇએ.
બાગ છે, ફુલો ય છે, મકરંદ છે,
માણવા મનને ય નિસ્બત જોઇએ.
એ ભલે ભેગું કરે ઝાકળ છતાં,
પી શકે એવી ય કિસ્મત જોઇએ.
જીતવાની છો રહી આદત મને
હારવાની તોય હિંમત જોઇએ.
દોસ્ત તુજને હું ખરે પરખી શકું,
બસ, અમારે એક આફત જોઇએ.
રાહ જુએ છે ઘણી "આનંદ" બસ
આંગણે એને તથાગત જોઇએ.
-અશોક જાની-"આનંદ"-
Sunday, December 21, 2008
Subscribe to:
Post Comments (Atom)
+(486+x+648).jpg)
1 comment:
સરસ મઝાની ગઝલ
Post a Comment