Monday, December 15, 2008

માણસ છું

માણસ છું

હું એક ખતા નો માણસ છું ને ઘણી સજાનો માણસ છું,
થોડીક પીડા નો માણસ છું ને તોય મજાનો માણસ છું,

સંજોગો પણ જોને ટપલી દાવ રમાડે છે કેવો ?
તોય હજી હું અણનમ છું, બુલંદ ગજા નો માણસ છું.

રોજ સવારે ઉગતો સુરજ નવી સમસ્યા લાવે છે,
હું હરપળ ઉગતી એક દ્રિધા ને એક કજાનો માણસ છું

રાજકાજ ના દંભ અખાડા મને કદી ના ફાવ્યા છે,
હું એક સરળ, હું એક સહજ, હું રાંક પ્રજાનો માણસ છું,

અવસાદી પળ માં પણ 'આનંદ' કરવાની જીદ છે મારી,
બસ તેથી હું મજા-મજાનો ફકત મજાનો માણસ છું.


-અશોક જાની - "આનંદ" -આસોપાલવ

2 comments:

heenaparekh said...

હું એક ખતા નો માણસ છું ને ઘણી સજાનો માણસ છું,
થોડીક પીડા નો માણસ છું ને તોય મજાનો માણસ છું,
ખૂબ સરસ પંક્તિઓ.

Shah Pravinchandra Kasturchand said...

Poem of pleasure and pain.
Life of the loss and gain.
Well said !