હત્ તેરી કી !!

હત્ તેરી કી !!

જીવવા ખાતર જીવતર જીવ્યો ! હત્ તેરી કી !!
સાવ આટલું બદતર જીવ્યો ! હત્ તેરી કી !!

જીવવું તો હરિયાળા - લીલા ખેતર જેવું,
તું તો સાવ જ પડતર જીવ્યો ! હત્ તેરી કી !!

જરુર પડી તો સામી છાતીએ લડવું'તું,
ડરતાં ડરતાં થર થર જીવ્યો ! હત્ તેરી કી !!

પથ્થર જેવું નક્કર જીવવું ખુબ જરુરી,
રેતી જેવું ખર્ ખર્ જીવ્યો ! હત્ તેરી કી !!

આત્મબળે જીવવા થી બીજું રુડું શું છે ?
ના તુ બિલકુલ પગભર જીવ્યો ! હત્ તેરી કી !!

તું જ નથી બસ, તારા જેવા કંઇક બીજા છે,
"આનંદ" એવું અક્સર જીવ્યો ! હત્ તેરી કી !!

- અશોક જાની -"આનંદ" - આસોપાલવ